საინფორმაციო-ანალიტიკური სააგენტო - Information-Analytical Agency - Информационно-аналитическое агентство

ზურაბიშვილის სიგიჟეები ევროკომისიამ არ გაითვალიწინა! – საერთო მედია
დეკემბერი 7, 2023

ზურაბიშვილის სიგიჟეები ევროკომისიამ არ გაითვალიწინა!

მადლობა ღმერთს, ევროკომისიამ არ გაითვალისწინა ის სიგიჟეები, რასაც ქალბატონი სალომე საუბრობდა. ჩვენი მხრიდან ის პრეზიდენტი აღარ არის, – ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველმა მოადგილემ, ირაკლი ზარქუამ განაცხადა.

მისი თქმით, სალომე ზურაბიშვილი არაადეკვატური განცხადებებით რომ იყო დაკავებული, ამიტომ მას დასავლეთში ვიზიტები შეუზღუდეს.

„მადლობა ღმერთს, ევროკომისიამ არ გაითვალისწინა ის სიგიჟეები, რასაც ქალბატონი სალომე საუბრობდა. ჩვენი მხრიდან ის პრეზიდენტი აღარ არის. ფაქტობრივად, უმრავლესობის მხრიდან ლეგიტიმაცია აღარ აქვს – სხვათა შორის, რომელმაც აირჩია. ეს ნიშნავს, რომ საქართველოს მოსახლეობის მიერ არჩეულ პრეზიდენტს უმრავლესობიდან ლეგიტიმაცია არ აქვს“, – აღნიშნა ზარქუამ.

სალომე ზურაბიშვილმა ფრანგულ მედიას მისცა ინტერვიუ. ინტერვიუს დროს ჟურნალისტი დაინტერესდა, რას ფიქრობდა საქართველოს პრეზიდენტი რუსეთის და ჩინეთის ლიდერების გასამართლებაზე, რაზეც საქართველოს პრეზიდენტმა თქვა, რომ ეს იქნებოდა ისტორიული შედეგი, თუმცა ამის იმედი არ აქვს.