საინფორმაციო-ანალიტიკური სააგენტო - Information-Analytical Agency - Информационно-аналитическое агентство

ოცნება აუცილებლად გაჯობებს-მელია ხაბეიშვილს – საერთო მედია
აპრილი 19, 2024

ოცნება აუცილებლად გაჯობებს-მელია ხაბეიშვილს

ნიკანორ მელიამ ხაბეიშვილის განცხადებას სოციალური ქსელით უპასუხა და “გარემონტებული” ხაბე შანტაჟისტად მოიხსენია.ყოფილი ნაცკანტორის თავმჯდომარე აღნიშნავს,რომ ოცნება აუცილებლად აჯობებს, მითუმეტეს როდესაც მერაბიშვილ-კეზერაშვილზეა საუბარი….

“მე მრავალჯერ ვთქვი და გავიმეორებ, რომ ტყვეობაში მყოფი ადამიანის პოსტებზე, პოზიციებსა და შეფასებებზე არ გავაკეთებ კომენტარს…
თუმცა, გავაკეთებ კომენტარს მათზე, ვინც პატიმრის სახელსა და რეპუტაციას ეფარება, ვიწრო მერკანტილური ინტერესისთვის იყენებს, ერთ დღეს ამბობს – აი, მიშამ თქვა და წადი, მეორე დღეს კი აშანტაჟებს, ემუქრება და ულტიმატუმს უყენებს, როდესაც მისი პოზიცია არ მოსწონს, ამას აკეთებს საჯაროდ, პირდაპირ ეთერში ბრიფინგის სახით.
 ვნახეთ თავმჯდომარის შანტაჟის ტონში ფორმულირებული მოთხოვნა.
და უცნაურად და უცაბედად, ფეისბუქიდან ქრება მათთვის “არმოსაწონი პოსტი”.
ამას აკეთებს ხალხი, ვინც თვეების განმავლობაში ამტკიცებდა, რომ არ არის არაფორმალური მმართველობა პარტიაში. ამას აკეთებს ხალხი, რომელსაც ერთი კვიპროსული ხელი მართავს, მათ მესიჯსა და მოთხოვნას აყალიბებს.
ამით კი პირველ რიგში მიშას რეპუტაციას აზიანებს, მის სიტყვას ფასს უკარგავს…
სიმართლისთვის და სამართლიან ბრძოლას აქვს თავისი წესები, რომელსაც თუ არღვევ, სიმართლეს კარგავ, შანტაჟი ოცნების ხელწერაა, მისი მიზანია ისეთი ცუდი იყოს ოპოზიცია, რომ ოცნება მუდამ იყოს ხელისუფლებაში, შანტაჟსა და კომპრომატებში ოცნება აუცილებლად გაჯობებს, მითუმეტეს როდესაც მერაბიშვილ-კეზერაშვილზეა საუბარი….
მიშა აუცილებლად იქნება თავისუფალი და აუცილებლად გულწრფელად და თამამად ჩავხედავ მას თვალებში, მანამდე კი ოცნებასთან ბრძოლაა მოსაგები, გამარჯვების რწმენით, სიმართლითა და ღირსებით – ეს ბრძოლა უკმოპრომისობითაა მოსაგები და არა მორალური კომპრომისებით დასუსტებული პოზიციით, რაზეც პარტიის მენეჯმემტი არა მხოლოდ თავად მიდის, არამედ სხვისგანაც იმავეს მოითხოვს….” წერს მელია